Книга | Олгица и операцијата „Јагуар“ | Алекс Молдован

Авантурите на Олгица продолжуваат во втората книга, но сега со нови ликови и нови предизвици.
Иако иднината изгледа ветувачка, на Олгица во еден момент ѝ се појавуваат огромни проблеми. Таа треба да ја реши мистеријата, бидејќи нејзиниот дедо-милионер е исчезнат, а тоа пак е поврзано со животот на нејзината мајка која што треба да прави операција колку што е можно побргу. Таа треба исклучително брзо да најде огромна сума пари, а киднаперот што ја направи целата збрка, не е човек со кого може лесно да се преговара.
Но, Олгица е исклучително паметна и има неверојатни идеи. А има и верни пријатели, подготвени во секое време да ѝ помогнат и на пример да ја преземат контролата на надзорните камери на градското собрание, да се соочат со лути кучиња или да му се спротивстават на мафијаш од кого има страв секој во градот.