Книга | Ехнатон: жител на вистината | Нагиб Махфуз

Фасцинантно дело за најозлогласениот фараон на древниот Египет. Во овој зачудувачки роман, првпат објавен во 1985-тата година, Махфуз од уникатна перспектива ја раскажува приказната за „еретичкиот фараон“ или „богот на сонцето“ и првиот монотеистички владетел, чие иконоборство и контроверзно владеење за време на 18. династија (1540 – 1307 пне.) има неверојатен одек со модерните чувствителности. Нараторот е млад човек со голема страст за вистината, што ги доведува во прашање современиците на фараонот по неговата ужасна смрт, вклучувајќи ги најблиските другари на Ехнатон, неговите најлути непријатели, и се разбира неговата загадочна жена, Нефертити, и се обидува да открие што навистина се случило во тие чудни, мрачни денови во дворецот на Ехнатон. Како што нараторот и секој што го интервјуира придонесува со својата верзија на Ехнатон, „вистината“ сѐ повеќе исчезнува.
Ехнатон ги опфаќа сите противречности што неговите поданици ги гледаат во него: истовремено е суров и емпатичен, женствен и варварски, луд и божествено инспириран, неговиот лик, како што го замислува Махфуз, е морничаво модерен, и фасцинантно етеричен. Амбициозна и исклучително луцидна книга. Ехнатон е дело што само Махфуз може да го направи толку елегантно и неодоливо.