Книга | Ебола'76 | Амир Таг Елсир

Луис е еден обичен работник со сина јака, што несвесно ја пренесува смртоносната болест во својата родна земја и има катастрофални последици за неговото семејство, пријателите и колегите. Во серија на неколку бизарни и комични човечки средби, болеста сериозно се шири во градот Анзара. Различни видови луѓе, наеднаш се наоѓаат во една очајна ситуација во која што се борат за своите животи во времето на еболата. \nВо книгата има невообичаени ликови, а таков лик е и самата ебола, чие поразително, мрачно и злобно присуство, прогонува низ страниците на оваа трагикомична сатира, што брзо се чита. \n \nАмир Таг Елсир е еден од најпознатите писатели од Судан. Тој објавил десет романи, две биографии и неколку збирки поезија и беше во најтесен избор во 2011 година за арапскиот Букер. Неговите дела се преведени на повеќе јазици. \n \n